Shellmót í eyjum lokaorð

Sæl öll,

Fyrirhönd okkar þjálfaranna vil ég byrja á að þakka ykkur kærlega fyrir algjörlega frábæra daga á Shellmótinu í eyjum. Ég vil þakka foreldrum fyrir frábæran stuðning og var æðislegt að sjá hversu margir foreldrar fylgdu stráknum sínum til eyja. Liðstjórar, matarnefnd, svefnnefnd og allir sem komu að því að gera þetta mót sem best fyrir strákana kærar þakkir. Ég er ákaflega stolltur þjálfari í dag, það var hrein unun að fylgjast með okkar stákum á mótinu og ekki skemmir fyrir frábær árangur. Það er hreint ótrúlegt að sjá hversu mikið strákarnir eru búnir að bæta sig í fótbolta og vonandi heldur þetta áfram. Til þess þurfa þeir að halda áfram að mæta á allar æfingar. Það er gaman að segja frá því að árangurinn endurspeglar æfingasókn og mikinn vilja strákanna til að bæta sig. Háttvísi drengjanna var til fyrirmyndar á mótinu og vorum við verðlaunuð með prúðmennskubikar Shellmótsins.

Takk kærlega fyrir frábærar stundir í Vestmannaeyjum,

Minni á að það er ekki æfing á morgun mánudag, næsta æfing er því á þriðjudag. Ég er á leið til Akureyrar með 5.flokk karla og mun Magnús stjórna æfingum í næstu viku.

Kv,
Úlfur og Maggi